ekkert pláss fyrir tickerinn minn.

Bévítans bolludagur, dagarnir fyrir bolludag og nokkrir eftir bolludag. Bara svindl útí eitt.

Skil ekki af hverju það er ekki bara hægt að fá sér kannski eina bollu og láta þar við sitja.   af hverju þurfa þær að vera tíu? Og af hverju þarf líka að fá sér hamborgara fyrst maður var á annað borð að svindla? og af hverju, fyrst maður gleymdi DDV pizzunni sem átti að taka með til ömmu, þarf þá að fá sér líka súkkulaðirúsínur og aftereight með beikon/pepperónípizzunni?

Þetta er svo mikil árátta. Þarf bara að muna að súkkulaði verður alveg til um áramótin. Hægt að hafa bolludag annan í jólum þess vegna. Eða súkkulaðirúsínu og prinskex maraþon í febrúar á næsta ári.   Life isn´t over

 

bara bíða aðeins. maður nýtur þess miklu betur ef maður má.   Þ.e svona eitt og eitt pínu pons, þegar maður hættir að vera feitibolla

En ég meikaði ekki vigtun síðast. Ætla að fara á þriðjudaginn næsta. Standa og falla með ákvörðunum mínum. Eiginlega vona ég að ég verði bara þyngri en síðast, svona til að sjá það að það má ekkert útaf bregða ef þetta á að ganga upp. 

en samt langar mig líka til að breyta tickernum í rétta átt. svona amk 100 gr eða svo.

ekkert smá ánægð með árangurinn í dag. 1,9 kg! samt smá svindl á sunnudaginn.

Gefur manni aukinn vilja.. halda áfram litla feitabolla 

Búin að missa 3 kg. Vildi að það væri meira en það er kannski bara græðgi. 3 kg eru náttlega meira en ekkert.

Þetta gerist hægt og bítandi. Og á meðan þyngdin fer niður þá er þetta að ganga vel. Að lokum verður þetta fínt.

 Held samt að ég þurfi að setja markmiðin eitthvað seinna. Ná markmiðinu mínu í sept í stað júní. 

 

2,2 niður

Úff hvað ég vona að ég hafi nú lést eitthvað.

 

langar að breyta tickernum þarna uppi.  

Fjörmjólk og undanrenna 100 g = 1/5 af mjólkurskammtinum
Ab létt og létt súrmjólk 80 g = 1/5 af mjólkurskammtinum.
Ab mjólk og sýrður rjómi 50 g = 1/5 af mjólkurkammtinum.

Best að hafa þetta skriflegt.

Markmið 1. 6 kg fyrir páska. Ef það næst, má ég fá páskaegg nr. 4 og borða páskamat

Markmið 2. 10 kg fyrir afmælið mitt. Ef ég næ því, fatakaup fyrir 20þús kall

Byrjum á þessu. Sjáum svo til með restina.

 

 

 

 

aðaltakmarkið er að ná 70 kg fyrir 7.október.  verðlaunin fyrir það á eftir að ákveða... en þau verða sko hjúds!!

Enn ekki búin að svindla og finnst þetta ekkert svo erfitt. Samt smá í kvöld því ég er að baka fyrir afmælið hans Gabríels og það kostar svoldið góða lykt og girnilegar kökur.

En ég ætla sko ekki að svindla. Hell no. Tekur því ekki núna. ) 

Langar að muna þetta. Mér líður ekkert vel. Mér líður ekki illa, en heldur alls ekki vel. Ástæðan fyrir því að ég sé að taka það fram er sú að ég er að borða snakk. Snakk gerir ekkert fyrir mig. Sama er hægt að segja um jólanammið. Nóa konfektið, macintoshið, þetta er ekkert spes. Manni líður ekki vel af því. Ekki yfir höfuð.

Það er bara rosalega mikilvægt að muna þetta, mér líður ekkert betur þótt ég borði nammi, snakk, kökur, whatever. Líkaminn æpir á sykur vanans vegna, en það er engin fróun í því. Ég er orðin ónæm eins og eiturlyfjafíkill. Áhrifin hætt að koma fram, eingöngu hrá þörfin sem æpir á næsta skammt.

 Ætli það sé ekki kominn tími til að hætta að láta óholla matinn stjórna lífi mínu. Sérstaklega þegar ég er búin að átta mig á því að hann gerir ekkert fyrir mig. Ekkert sem gulrótapoki gerir ekki. 

 

verð að muna þetta. 

Jæja, ári seinna, einni meðgöngu seinna og einni aukaprinsessuíheiminn seinna er ég enn í sömu sporunum. Ég er nítíu og eitthvað kg, fuckass feit en samt voða sæt... en ætla að fara að gifta mig svona á næstunni.. núna í haust eða næsta sumar, og ætla ekki að vera einhver brandara rjómatertuklumpur í hvíta kjólnum.

Ég byrja á þriðjudaginn næsta á því að fara í vigtun. Þarnæst byrjar danski á fulle femm. Núna er ég í fæðingarorlofi og svoldill tími í verknámið svo ég hef allan tímann í heiminum að föndra mat skv. danska kúrnum.

 ENGAR AFSAKANIR

á mar að reyna aftur?...  er ofsalega pirruð á því að vera eins og hlaupbangsi með spikið víbrandi í allar áttir við minnstu áreynslu, og fuck hvað maður er ósjarmerandi þegar maður hnerrar alsber. ekki falleg sjón.

 

markmiðið er núna (ein alltaf með ný og ný markmið...) að missa 14 kg fyrir ágúst. Ætti svosem ekkert að vera erfitt ef ég er dugleg, en eins og reynslan sýnir, þá hef ég ekkert verið að gera nein kraftaverk hingað til. En við sjáum hvað setur. ekki satt?

Ég er alveg hryllilega SVÖÖÖNNG!! Í gær var ég líka snargeðveik í skapinu, sykurþörfin alveg á hæðsta styrk. Ég fékk mér svona bökuð kanilepli með DDV-ís sem lagaði svoldið nammilöngunina, en ég var samt alveg roooosalega svöng. Ég er þó að bíða eftir dýrindis blómkálsgratíni sem reddar mér fram að kvöldmat

Það er svo fyndið, um leið og maður byrjar aftur í danska, þá finnst manni maður vera svo mjór strax, í morgun vaknaði ég voða mjó og flott hehe, þótt það sé náttlega engin breyting. mér finnst bara svo gaman að vera byrjuð og það eitt gefur manni alveg heví egóbúst.

Eftir 3 mánuði þá á ég eftir að fá fyrirsætusamninga á hverjum laugardegi. Ég er alveg viss um það múhahahha!!

Jæja, ég fór í dag og keypti endurnýjun á DDV-medlemskortið mitt. Ég er búin að vera svo hryllilega slöpp við þetta alveg frá því fyrir jól, tekið stuttar rispur og étið svo eins og svín inná milli. En núna verður þetta tekið af hörku. Allavegna fram að afmælinu mínu. Helst samt fram yfir prófin, en við sjáum bara til. hehe
Svindlið hefur samt ekki tekið rosalega mikinn toll, ég hef bara þyngst um 900 gr, en það má samt ekki gleyma að ég væri búin að léttast um 7-8 kg ábyggilega í viðbót ef ég hefði ekkert svindlað.

Núna er það s.s harkan sex bara, var 81.7 kg í vigtuninni í dag og svo bara krossum við fingur fyrir næstu vigtun.

Ég er annars ennþá í skólanum, það er ógeðslega gaman og á líka geggjað fallegan kærasta sem ég elska útaf lífinu, það er rosalega gaman að vera ástfanginn. Ég er að leita að sumarvinnu og er líka að vinna á hrafnistu... ef einhv. hefur áhuga á svona daglega lífinu mínu, sem er reyndar ferlega svarthvítt hehe.
eníhú. bæbæ.